Da lehkmen yaka 67th All India Cooperative Week 2020

Shillong: Kam chibynta wow e laad yaki Cooperative wow pynyoo wow khana yaki kaam wa da dep leh ki kamjooh wow booh thong yaki kaam wa daw leh ki iwa man leh kam ka luti wow pyrkhat yei heh i san, i roi i paar ki Cooperative, hajrong ini, u Assistant Registrar of Cooperative Societies, East Khasi Hills deiwa yakrehlang waka Meghalaya Cooperative Apex Bank Ltd, Shillong ynne ka sngi da lehkmen ki yaka 67^th All India Cooperative Week 2020 haka yalang wa pynman ha Conference Hall ka Meghalaya Cooperative Apex Bank Ltd, Shillong.

Ka Deputy Commissioner, East Khasi Hills District, ka I. Laloo da wan ko wow emlang kam ka kongsan.

Ka phang pyrdi ka lehkmen toh “Covid Pandemic- Atmanirbhar Bharat Cooperatives” heiwa da yaklam ha kani ka sngi hajrong ka phang “Post Covid-19, Role and Responsibility of Cooperatives”.

Ka kongsan hawa e yei klam da ban ko hajrong ka thong u Prime Minister hajrong ka Atmanirbhar Bharat dei wow pynkylla ya kani ka khlam cha ka kabu, deiwa ong leh wa nadooh wa sdang wa pynkha yaki Cooperative Societies toh hajrong ka Atmanirbhar ka thong wow pynku ya i yoh i kot. Ha ini i por wa ka pyrthai da chah ktah ko haka khlam, da kdaw ko wa ki Cooperative Society kam ka AMUL, MARKFED, IFFCO wa kiwi kiwi da yarap ki yaka sorkar wow pynpoi yaki yarap cha ki bru ka imlang sahlang kiwa emkaam yarap bha wei ini leh man ko i jooh ya ki 2000 tylli ki Cooperative Society wa em ha ka jylla Meghalaya.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha Meghalaya, ki Cooperative da yarap ki wow pynkhlan wow pynlai wow pynkhih yaki bru wa yaki mar. I kaam yong ki wow pynmih yaki mar, u song yaki mar, u pynlai yaw yaki mar wei wow pynman yaka kaam uiñke suwari kawa phooh wa phieñ man ko iwa biang bha, heijooh i por da ong ko leh wa i boon i ku ki Cooperative Society ki wym krehkaam toh u pait ya ini wa jia. Chooh chooh da ong ko wa emkaam i ya krehlang wa ki chnat sorkar yow ye u pyntikna wa ki Cooperative Society ye ki wow kreh katkam wa thmu yaki.

Ha kani ka sngi da puræ leh yaka wyrta wa da e da u Dr. Chandra Pal Singh Yadav, Member of Parliament (Rajya Sabha) wa u President ka National Cooperative Union of India.