Da palat 3 tayaw kiwa dang yoh COVID-19 ha India deiwa kheiñlang da em ki hapoh 50 hajar ngut ha ka chi sngi man-ka-tayaw heiwa ha kini ki 24 kynta kiwa dang yoh da em ki 41,100 ngut, kiwa dang chait da em ki 42,156 ngut, kiwa dang yap 447 ngut iwa mut wa kiwa dang em ya uni u khñiang da duna ki da 1,503 ngut.
Kiwa dang yoh leh da em ki hapoh 50,000 ngut la 8 sngi kattu khlem sangeh.
Kiwa boon dooh kiwa dang chait toh ha Delhi 7,117 ngut, Kerala 6,793 ngut, West Bengal 4,479 ngut, Maharashtra 2,707 ngut, Tamil Nadu 2,494 ngut, Karnataka 2,198 ngut, Andhra Pradesh 2,155 ngut wa ha Uttar Pradesh 2,002 ngut.
Ha kini ki 24 kynta da em leh 21 tylli ki jylla kiwa boon da kiwa chait ya kiwa dang yoh kiwa boon dooh wa tam da kiwa chait toh ha Telangana 979 ngut, West Bengal 709 ngut, Tamil Nadu 594, ngut, Andhra Pradesh 505 ngut , Kerala 462 ngut wa ha Assam 425 ngut.
Waroh kiwa da chait hapoh ka ri da poi ki 93.09% iwa ku naka 92.98% kiwa em 8,20,57,28 ngut; kiwa dang em ya uni u khñiang da em ki 5.44% kiwa hiar naka 5.47% kiwa em 4,79,216 ngut; kiwa yap 1.47% kiwa em 1,29,635 ngut. Waroh deilang da poi 88,14579 ngut kiwa da dep yoh ya uni u khñiang.
Kiwa chait da tam ki da 77,26,512 ngut ya kiwa da chait iwa ku da 43,659 ngut nadooh ynnin ka sngi.
