Shillong: Ka Deputy Commissioner, East Khasi Hills District haka hukum wa pynmih haka 14 tarik uni u bnai da pyntip ko wa ki dukan wa em ya u Serial Number 5,6,1 wa u 2 u wai ki haka 16, 19, 25 wa 28 tarik uni u bnai, katwa ki dukan wa em ya u Serial Number 3,4,5 wa 6 u wai ki haka 17, 20, 23 wa 26 tarik uni u bnai, ki dukan wa em ya u Serial Number 1,2, 3 wa u 4 u wai ki haka 18, 21, 24 wa 27 tarik uni bnai ha ki yaw Khasi wa em ha wah ka Jaiaw Taxi Stand ha Motphran.
U Incident Commander, ki Magistrate wa ki pulit u pait ki yei wai kini ki dukan yow pyntikna wa da bood yaki kyndon wa da phah daka sorkar Meghalaya lyngba ka Health & Family Welfare khamtam wow bood yaka Social Distancing heiyatoh wa u COVID-19.
Ka Deputy Commissioner da kyrpaad ko yaki paidbah wow bood ki yaka Social Distancing deiwa yajngai 6 phut, ym toh wow ya khynnia ha iwi i thaw lane dukan, kiwa chongdai dukan kamjooh kiwa wan thied mar toh u deiñ ki yaki Mask wei kitu ki wym bood daw chah khang i dukan ki, ym toh leh wow mynthu haki thaw paidbah wei toh u bood ya iwa da pynbait da ki bor District wa ki pulit ka District.
