Shillong: Neidaw wa em kiwa yoh COVID-19 kamjooh leh da em kiwa em hei maa wow yoh ya uni u khñiang ha i yung u Rev. Nowin Karthak, Assembly of God Church, Keating Road wa ha i yung ka R. Basaiawmoit, Riat Laban East hajan St John, Madan Laban kiwa da emkaam wow leh yei booddien ya kiwa yachem wa kiwa yoh COVID-19, i leh yaki Test wei wow khangkset yow yada nei por uni u khñiang, ka District Magistrate, East Khasi Hills District da pynmih hukum ko haka 14 tarik uni u bnai yow pynbna pynman Micro Containment Area ya kini ki yung yow khang yei psiah i mih khlem da yohbor cha kini ki thaw nadooh ka 14 tarik uni u bnai.
Ka hukum da khang ko leh yaki bru wow psiah cha kini ki thaw kamjooh ya kiwa sah ha kini ki thaw wow neh bait ki hapoh yung.
Ki Incident Commander daw pait ki ya kini ki thaw yow pyntikna wa bood yaka hukum.
Kiwon kiwon kiwa leh pyrchah daw pynchitom yaki katkam ka aiñ Disaster Management Act, 2005 waka IPC.
