Ka International Journal of Indian Psychology (IJIP) man ko kawi na ki thup namo ki Journal wa pynmih ya ki puræ bniah (Research Study) ya kawa pynmih (Published) da ka Red Shine Publications chisien soo bnai hajrong ki liang puræ waphær waphær wa kynthup nadooh ka Psychology, Social Sciences, Home Sciences wa ka Education.
Ha kani ka kynti ki bru chemphang (Expert panel) na ka IJIP da rai ki wow pynmih ya i puræ bniah yong ka Balarishisha Lyngdoh hajrong ka phang “Life satisfaction of youngest daughters in West Jaiñtia Hills District, Meghalaya” ya kawa da leh hapoh i yahluti (Supervision) ka Dr. Porsara Mesha J Kharbhih (Professor of Psychology Department, Martin Luther Christian University).
Ka Balarishisha toh ka khon ka Gredis Lyngdoh wa u Bul Bul Lyngdoh Phawa na Lad Mukhla, West Jaiñtia Hills.
Da pyndep ko ya ka SSLC wa HSSLC na Adventist Training College, Khliehtyrchi; ha u snem 2018 da pyndep ko ya ka B.Sc Psychology na ka skurbah Martin Luther Christian University wei ha uni u snem 2020 won da pyndep ko ya ka M.Sc Psychology na kani ka jooh ka skurbah wei katni kreh ko kam ka Councellor ha Scope Foundation Rehabilitation Center.
Neiliang ka Balarishisha da ekhublei ko ya waroh kiwa da emlang wa ka ha i puræ puthi yong ka nadooh kiwa hayung hasem, ki lok wei heiyatoh wa ini i pynmih ka IJIP ya i puræ bniah yong ka, da ekhublei ko leh ya u Supervisor yong ka kamjooh leh kiwi kiwa da embynta ha ini i puræ bniah yong ka.
Ya iwa pynmih ka IJIP ye phi wow puræ heini.
