La 3 sngi kiwa yoh COVID-19 ha India da em ki hapoh 40 hajar ngut heiwa ha kini ki 24 kynta kiwa dang yoh da em ki 38,617 ngut, kiwa dang chait da em ki 44,739 ngut, kiwa dang yap da em ki 474 ngut iwa mut wa kiwa dang em ya uni u khñiang da duna ki da 6,596 ngut.
Ini i duna kiwa dang yoh ya uni u khñiang hapoh ka ri da pynman ko yaka India kam kawi na ki ri wa chah ktah bha wa duna dooh kiwa yoh ha kini ki 7 sngi deiwa kheiñ na ki 10 lak ki bru heiwa da yoh 211 ngut katwa ha USA da em 3,120 ngut kiwa yoh naka 10 lak ngut, France 2,949 ngut, UK 2,612 ngut, Russia 1,045 ngut, Brazil 919 wei lada kheiñlang ya waroh ki ri ka pyrthai, da em 510 ngut kiwa yoh ha man ki 10 lak ngut.
Na kiwa dang chait hapoh ka ri, kiwa boon dooh toh ha Kerala 6,620 ngut, Maharashtra 5,123 ngut, Delhi 4,421 ngut, West Bengal 4,388 ngut, Haryana 2,614 ngut, Tamil Nadu 2,314 ngut wa ha Andhra Pradesh 2,293 ngut.
Ha kini ki 24 kynta da em leh 27 tylli ki jylla kiwa boon da kiwa chait ya kiwa dang yoh kiwa boon dooh wa tam kiwa chait toh ha Maharashtra 2,459 ngut, Andhra Pradesh 907 ngut, Kerala 855 ngut, West Bengal 786 ngut, Karnataka 780 ngut, Odisha 688 ngut, Tamil Nadu 680 ngut wa ha Telangana 664 ngut.
Kiwa da chait hapoh ka ri da em ki 93.52% iwa ku na 93.42% kiwa em 83,35,109 ngut; kiwa dang em ya uni u khñiang da em ki 5.01% kiwa hiar naka 5.11% kiwa em 4,46,805 ngut; 1.47% kiwa yap kiwa em 1,30,993 ngut, deilang da poi 89,12,907 ngut kiwa da dep yoh ya uni u khñiang.
Kiwa chait da tam ki da 78,88,304 ngut ya kiwa dang em ya uni u khñiang iwa ku da 51,335 ngut nadooh ynnin ka sngi.
