Ka Red Ribbon Quiz Competition 2020 kawa man kam chibynta yong ka thong krehkaam ka NACO da pynman ya ka da ka Meghalaya AIDS Control Society nadooh ka 10 tarik uni u bnai hadooh ynnin ka 18 tarik heiwa da wan chimbynta da ki 22 tylli ki college na ka jylla.
I thmu wow pynman ya kani ka yakob toh wow wanrah yei e yutip hajrong ka HIV/AIDS, i sdang khai khynroo khyllood, i bor pyrkhat wa kiwi kiwi.
Ya kani ka yakob da pynman deiwa bhah ya ki College ha jar jiar ki bynta wa kynthup ya ka Zone A (Khasi Hills wa Ri-Bhoi Districts), Zone B (Jaintia Hills District) wa Zone C (Garo Hills Districts) wei ya ka yakob da pynkut ha Doordardhan Kendra, Shillong hei yakrehlang wa ka Jaiñtia Eastern College, Khliehriat na ka Jaiñtia Zone chirup wa ka Don Bosco College, Tura na ka Garo Zone wa ka Doordarshan Kendra, Shillong.
Ha kani ka yakob da jop da ka St. Edmund’s College,Shillong ya kawa da bood won da ka Martin Luther Christian University, Shillong katwa ka Don Bosco College, Tura wa ka Sohra Government College, Sohra da yoh ki yei naam wa le.
Ki bru chemphang wa da wan sakhi ya kani ka yakob wa khaddooh kynthup ki ya ka Dr.(Mrs) R. Allya, Project Director, Meghalaya AIDS Control Society, Shillong, u Derrick P. Pariat, Head of Programme,Doordarshan Kendra, Shillong wa kiwa mihkhmat na ki College waphær waphær.
