U DC ka East Garo Hills da thoh u cha ki khlieh ki chnat sorkar kiwa em hapoh ka District wa da yoo u yei pynemkaam bha ya ki kot kiwa da chon (Print) ya ki Report, ki Agenda wei ya kini da phah leh cha waroh ki dkhot kiwa emlang heipor wa pynman ya ki yalang (Meetings & Review Meeting).
Kamtæ da ong u wa ya waroh iwa em ha ki kot ki sla toh iwa da pynyoo leh da ki Projector wei deiwa Print ya ini waroh deiwa e cha uwi pa uwi da man ko iwa pnlut pynsepai ya ki kot heiwa ya i jooh da pynyoo haka Projector Screen.
Kamtæ da pynchlur u wa ya waroh iwa pynyoo (Presentation) toh u phah noh lyngba ka email lane WhatsApp.
Heijooh i por da ong u wa daw em hi ki por wa daw emkaam wow Print wei ini ym toh iwa emkaam wow leh man-i-por kamtæ da pynchlur u wow pyrchang wow pynman yaki Review Meeting khlem da pynemkaam yaki kot ki sla.
Da ong u leh wa ini daw yarap ko u pynduna yei lut poisa kamjooh daw yarap ko yaka rymaw deiwa duna ki dieñ kiwa chah ah yow chna kot.
