Jowai: Ka All Sohkha Development Committee, haka 4 tarik u Kmaichonglad (Dec) daw e khusnam ko yaki khynroo khyllood wa leh bha hei puræ puthi deiwa poi cha ka kyrdan 1st Division yong ka kyrdan Secondary waka Higher Secondary Level neibynta u snem 2018 hadooh u 2020 ha yung skur ka Sohkha Govt. Higher Secondary School Sohkha nadooh i por 11 waje i step.
Ya kani ka khusnam datip kam ka 16 ASDC Award Distribution Ceremony 2020. Wei daw emlang ha katai ka sngi nadooh u Lahkmen Rymbui u MLA ka thaaiñ uwa man leh u montri wa pait yaka chnat puræ puthi, neitæ u D.P. Wahlang IAS, Principal Secretary ka chnat puræ puthi ka sorkar jylla wa kiwi kiwi.
Kamtæ da kyntu ya kitu ki khynroo khyllood wa poi chakhmat hei puræ wow chim ki ya kani ka kabu deiwa lai pyntip.
