Ka chnat puræ puthi lyngba u Principal Secretary yong ka u D. P. Wahlang, IAS da pynbna ya i rukom wai yaki skur deiwa bood yaki hukum wa da pynmih da ka Ministry of Home Affairs haka 27-10-20 wow wai chooh chooh yaki kaam ha ki thaw wa em cha baar ki Containment Zone, kamtæ da pynbna yaki kyndon hawa yatoh wow wai noh yaki skur.
Da e bor leh yaki sorkar jylla wow sdang ki wow wai suki suki yaki skur hadien ka 15 tarik u Naichiphaw uni u snem.
Kamtæ nadooh ka 30 tarik uni u bnai (Nov) da chah wow wai ki skur deiwa pynbait kamni ha wah:
Ki Class 9 hadooh 12 u wai ki pura kiwa kynthup ya kiwa em ha sor wa cha palat sor yow pyndep yaki Course wei yow pynkhreh yaki Board Exam.
Ki Class 6 hadooh 8 u wai ki pura haki thaaiñ wa em cha palatsor wei u wai malu mala ha ki thaw wa em cha sor. I wai malu mala kynthup ko leh yaki thaw wa em cha sor wa kiwa rap sor ka Shillong, Jowai, Nongpoh, Tura, Byrnihat, Jorabad wa Khanapara. I wai malu mala mut ko du wow yachem, u lai e yaki Assignments, yow yaklam wa kiwa sikai/Counsellor hapoh ka skur katwa cha ki thaw wa palat sor u wai ki pura.
Ki Class 1-5 u wai ki malu mala ha ki thaw palatsor tangwa cha ki thaw wa cha sor u man hi ki kiwa khang. I wai malu mala ha ki thaw palatsor toh yow yachem, yow lai e Assignment, u yaklam wa kiwa sikai/Counsellor hapoh ka skur. Ki thaw wa cha sor wa kiwa rap sor kiwa hap hi wow man kiwa khang toh ha Shillong, Tura, Jowai, Nongpoh, Khanapara wa Jorabad.
Ki skur JNV da tyrwa wa toh u wai ki pura nadooh Class 9 hadooh 12.
Hap wow bood ya waroh ki kyndon yow yada nei poor u khñiang COVID-19 kiwa ye phi wow yoh heini.
