Ka Ministry of Road Transport and Highways da pyntip ko wa da pynmih yaki kyndon thymme kawa tip kam ka ‘Helmet for riders of Two Wheelers Motor Vehicles (Quality Control ) Order, 2020.’ Wa yaki helmet yong kiwa yah yaki kari ar chaka da kynthup lang yaki hapoh ka Bureau of Indian Standards (BIS) Certification heiwa da pynmih lang leh yaka Quality Control Order.
Ya ini i leh toh katkam ki kyndon ka Supreme Court Committee on Road Safety yow pyrkhat noh yow chah u pynemkaam da ki Helmet kiwa rap stiñ ha India deiwa pyrkhat yei long i man wa i chit ka ri kamjooh yow pyntikna wei wow pynchlur wa ki bru pynemkaam ki yaki Helmet iwa da pynkit haka Committee wow wanrah ko chakhmat yaki luti wow lai chakhmat.
Kani ka Committee da em ko yaki bru wa da bniah wa chemphang ha kiwa boon jait ki kaam nadooh ki Doctor ka AIIMS kamjooh na ki bru ka BIS. Ka Committee ha u Wisu (March), 2018 hadien wa da thooh bniah wei pait bniah ko ya waroh kiwa da chem, da mynjur ko wow chah u pynemkaam noh da ki Helmet kiwa stiñ hapoh ka ri heiwa ka Ministry leh da pdiang ko ya ini.
Katkam wa da phah ka Committee, ka BIS toh u pynthymme ko yaki kyndon yow chna noh yaki Helmet kiwa stiñ. Kamtæ da yooluti wa deiwa em kiwa boon ki Company kiwa chna Helmet hapoh ka ri daw wanrah yaki Helmet kiwa bha kiwa stiñ heijooh i por.
Ki kari ar chaka kiwa da chna hapoh ka ri haka chi snem da em ki 1.7 klur tylli.
Katkam ka Quality Control Order, da mut wa du kiwa yoh yaka chap ka BIS daw yow ki u chna kamjooh yow dai Helmet hapoh ka ri neibynta ki kari ar chaka. Ini daw yarap ko leh yow pyndooh yei chna yaki Helmet ki wym em miat ki wym em chna katkam ka kyndon wa kyrdan wa da booh iwa daw wanrah leh yei yada yaki paidbah neiwa mynsoo hadooh wa dooh yei mynsien.
