Ka Passing Out Parade (POP) ka 41st Batch wa kynthup ya 10 ngut ki pulit kynthai wa 46 ngut ki chynrang ki wow man kam ki Unarmed Branch Constable, kiwa da em waroh 56 ngut da pynman ha Police Training School, Umran Ri-Bhoi ynne ka 27 tarik.
Ki 56 ngut ki Constables da yoh ki yaka sikai wa 11 bnai nadooh wow pynemkaam yaki tiar yasiat, ki aiñ, i hok ki bru wa kiwi kiwi.
Ya kani ka Attestation Parade da wan wow sakhi kam u kongsan da u H. Nongpluh, IPS Additional Director General of Police (SB/CID), Meghalaya, Shillong hei emlang leh kiwi ki heh pulit.
U kongsan hei klam yong oo da e khublei u ya ki pulit wa thymme kamjooh ya i yaleh Drill ki. Da pynchlur u leh ya ki wow e ki yeiwa bha tam hawa leh yei kaam yong ki.
