U Vice President ka India u M Venkaiah Naidu ynne ka sngi da pynchlur u wow pynmyllien u pynemkaam yaki Cycle kamjooh wow chna yaki luti wow lai ki Cycle hapoh ki sor. Da ong u wa i pynemkaam yaki Cycle ym du wa e ki yei chait i khiah kamjooh man ki kiwa toh dor wei ym pyntngit ki yaka la’ær.
Da ong u ya ini lyngba ka Internet haka yalang ki ri wa tip kam ka International Webinar on Cycling in the post-Covid world, u Naidu da ong u wa emkaam wow pynman daka pynkhih paidbah yow pynsñiawthooh chaphang ini deiwa ong leh wa kani ka Webinar man ko kawa da pynman heipor wa biang bha yow ya krehlang yow pynman yaka pyrthai kawa yirngam wa kawa chngaaiñ.
Deiwa yoo yeiwa da pynkylla ka khlam yei rukom im ki bru hadooh ki tiar wa thied, i pynemkaam ya i por hadooh i lai luti wei i rukom booh kyndon ha kiwa boon ki chnong hapoh ka pyrthai da pynduna ko yei lai ki kari iwa da wanrah kylla yei boon kiwa lai kjat kamjooh kiwa pynemkaam yaki Cycle.
Da ong u leh wa i yah Cycle toh iwa biang dooh wow leh yow pynduna nei maa wa wanrah i im i kreh deiwa chong bait wei ki Cycle leh ym toh kiwa emkaam phñiang kamtæ ym mih iyi iyi leh i jakhlia na ki nalor wa wanrah ki yei chait i khiah.
