Ka Indian Navy dang pteiñ ki wow thooh ya u Pilot ka MiG-29K kawa pynemkaam wow e sikai yaki Pilot kawa da noh chapoh duriaw ka Arabian Sea haka 26 tarik uni u bnai. Ini thooh ya u Commander Nishant Singh da leh da ki jhaad waki lieñsuiñ ha ki bynta ka duriaw wa em hajan ka Goa.
Da chem yaki bynta ka lieñsuiñ kam ki chaka, Turbocharger, i thaw thap phñiang, ka thawaner ynne ka sngi Bibar.
Nalor ki 9 tylli ki jhaad yapam wa ki 14 tylli ki lieñsuiñ da phah leh yaki Marine/Coastal Police wow pyntip ki cha ki chnong wa em cha rood duriaw yow yarap ki wow thooh lang ya u Pilot.
Kani ka MiG-29K da noh ko chapoh duriaw haka 26 tarik heipor 5 waje i janmiet heiwa ya uwi na ki Pilot da chem ya oo.
Ka MiG-29 toh kawa hær naka jhaad kit lieñsuiñ (Aircraft Carrier) INS Vikramaditya.
