Ynnin ka sngi u montri rangbahdooh ka ri, u Narendra Modi hawa e i klam ha ka 18th Episode ka ‘Mann Ki Baat 2.0’ da klam u hajrong i kylla dur ka National Museum ha nongbah New Delhi, da klam u yei rukom im ki paidbah hapoh ka ri, ki krem Ajanta Caves wa kiwi kiwi.
Ha kani ka Mann ki Baat u Modi da ong u wa ha kini ki sngi wa dadep da yoo wa poor ki dur ki yong dieñ Cherry Blossoms deiwa pynrap wa kini ki dur ymtoh kiwa na ka ri Japan.
U Modi da ong u wa kini ki dur toh kiwa na Shillong ka jylla Meghalaya.
“Kini ki dieñ Cherry Blossom da pynmiat chooh chooh ko ya i miat ka jylla Meghalaya,” da ong u Modi.
Kam wow pynkynmoo heini, ha kini ki snem wa dadep u Modi da yaroh u ya ka jylla Meghalaya ha ka Mann ki Baat heiwa da jooh klam u hajrong ki yingkieñ dieñjri wa da pawnaam bha na ka jylla.
