Shillong: Hadien wa khang khyrdep ya ki skur hadooh kamwa 8 bnai, neiliang ka sorkar jylla lyngba ka chnat puræ puthi da e laad biang ko nadooh ynne ka sngi wow wai ya ki skur kamwa jooh man du neibynta ki khynnah Class IX hadooh XII ha ki thaw sor wei nadooh Class VI hadooh XII ha ki thaw nongkyndong.
Hawa kylli hajrong ini i rai, u Montri wa pait ya ka chnat puræ puthi ka jylla, u Lahkmen Rymbui da ong u wa kiwa boon na ki bei ki pa kamwa 70% da yaroh ki ya ini i rai yong ka sorkar, khamtam ha ki thaw nongkyndong kiwa da pynsñiaw yei sñiawkmen khnang wa ki khynnah u yoh ki wow rap pynbha chooh chooh ya ki sikai wa da yoh ki lyngba ki Online Class.
Hawa kylli hawa yatoh wa ki Hostel, neiliang u Montri da ong u wa ka sorkar da chah ko ya ki Hostel, tangwa em i kattu katni i pynrkhiñ hawa yatoh wa i heh yong ki thaw, deiwa ong leh wa ka sorkar da pyrkhat ko leh hajrong ini deiwa pteiñ leh wow em hi ki Online Class.
