La le sngi kiwa dang yoh COVID-19 ha India da em ki hapoh 40 hajar ngut heiwa ha kini ki 24 kynta kiwa dang yoh da em ki 36,608 ngut, kiwa dang chait da em ki 43,062 ngut, kiwa dang yap da em ki 501 ngut iwa mut wa kiwa dang em ya uni u khñiang da hiar ki da 6,959 ngut.
Kiwa dang chah ktah ha uni u khñiang da hiar ki leh cha ka 4,28,644 ngut iwa man leh iwa duna dooh ki hadien 132 sngi heiwa ha ka 23-07-20 da em ki 4,26,167 ngut kiwa man 4.51% na waroh kiwa da dep yoh ya uni u khñiang.
78% kiwa dang chait ha kini ki 24 kynta da em ki ha ki 10 tylli ki jylla kiwa boon dooh ha Maharashtra 6,290 ngut, Kerala 6,151 ngut, Delhi 5,036 ngut, West Bengal 3,340 ngut, Rajasthan 3,007 ngut, Haryana 2,461 ngut, Chhattisgarh 2,164 ngut, Uttar Pradesh 2,059 ngut, Madhya Pradesh 1,683 ngut wa ha Gujarat 1,547 ngut.
77% kiwa dang yoh da em ki ha ki 10 tylli ki jylla kiwa boon dooh ha Kerala 5,375 ngut, Maharashtra 4,930 ngut, Delhi 4,006 ngut, West Bengal 3,315 ngut, Rajasthan 2,347 ngut, Chhattisgarh 1,893 ngut, Haryana 1,871 ngut, Uttar Pradesh 1,657 ngut, Gujarat 1,477 ngut wa ha Tamil Nadu 1,404 ngut.
Waroh kiwa da chait da em ki 94.03% iwa ku naka 93.81% kiwa em 89,32,647 ngut, kiwa dang em ya uni u khñiang da em ki 4.51% iwa hiar naka 4.60% kiwa em 4,28,644 ngut, kiwa yap 1.46% kiwa em 1,38,122 ngut, deilang da poi 94,99,413 ngut kiwa da dep yoh COVID-19 hapoh ka ri.
Kiwa chait da tam ki da 85,04,003 ngut ya kiwa dang em ya uni u khñiang iwa ku da 50,021 ngut nadooh ynnin ka sngi.
