Pynkynmoo u Conrad wa 4% ka Reservation toh neibynta kiwa em i duna ha i doh i pran

Ka International Day of Persons With Disabilities 2020 namo ka sngi yong ki bru wa duna hei doh i pran hajrong ka phang wa ong “Building Back Better: toward a disability-inclusive, accessible and sustainable post COVID-19 World”, da lehwarom ya ka ha Yojna Bhawan Auditorium, Shillong ynne ka sngi.

U montri rangbah ka jylla, u Conrad K. Sangma da man u kam u kongsan katwa u montri ka chnat Social Welfare, u Kyrmen Shylla won da man u kam u symbood kongsan. 

U Conrad da ong u wa kani ka sngi man ko kawa kyrpang neibhah daw ye u pynku ya ki hok yong ki bru kiwa duna ha i doh i pran wei wow pynche kamjooh leh wow pynsñiawthooh yei eh i khoo wa yachem ki. 

Da ong u leh wa ka sorkar yaleh ko wow wanrah ya ki rukom krehkaam namo ki Policy ki wow yarap ya ki ha kiwa boon ki liang ha ka imlang sahlang. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Conrad da ong u leh wa da booh bhah hadooh 4% ka Reservation ya ki PWD (Person With Disabilities) iwa mut wa kut wa lait kreh (Post) haka sien wa 25 u lai i cha ki bru wa em i duna ha i doh i pran katwa kamtæ ka sorkar emkaam bha wow ko yaki Policy wow pyntikna wa da pynkreh hok yeini. 

Neiliang u Kyrmen Shylla da batai u hajrong ki Scheme wa ki kaam yarap wei wow myntoi ki bru wa em i duna ha i doh i pran deiwa kyntu ya ki wow chim kabu ki yeini na ka chnat Social Welfare wa kiwi ki chnat.

Ha kani ka sngi da pynlait leh ya ka State Disability Logo wa ka Meghalaya Sign Bank App. 

Da pynkup burom leh ya ar ngut ki khynnah kiwa em i duna ha i doh i pran wei da pynlait leh ya i Video ka Unique Disability ID (UDID).