Ka chnat Transport ka jylla Meghalaya da pyntip ko wa deiwa bood yaka hukum ka High Court ka Meghalaya kawa da pynmih haka 26-11-20 hapoh ka PIL N. 12/2020 heiwa da phah wow hap pynduna yei khia ki kari wa kit mar kiwa lai lyngba ka yingkieñ Umiam hapoh 20 MT kam chibynta leh yow yada nei sih kani ka yingkieñ.
Kamtæ neiliang ka chnat Transport hapoh ka Section 114 ka aiñ CMV Act da pynmih hukum ko yow khang chipor yaki kari kit mar wa em 2 tylli ki Axle wa 6 tylli ki chaka wow kit mar ki palat 19MT katwa ki kari wa em 3 tylli ki Axle wa 10 tylli ki chaka wym toh u kit ki palat 20 MT.
Waroh kiwi won ki kari kiwa khia palat 20 MT da khang yaki wow lai ki naka yingkieñ Umiam hadooh wa pynmih hukum da kamwi.
Kamtæ da phah leh ya waroh ki DTO ka Nongpoh, Shillong, Jowai, Khliehriat, Nongstoin wa Mawkyrwat wow sylli ki yaki kari ha ki jar jiar ki District yow pyntikna wa ki kari wa kit mar kiwa khia palat 20MT ym toh wow chah u lai luti ki.
Heiyatoh won waka yingkieñ wa em ha Dwar Ksuid, Umroi ha Shillong Bypass, da chah du yaki kari wa khia hapoh 10 MT.
