U Dr. Damuthimi Lyngdoh uwa man leh u BDO ka Amlarem C&RD Block, West Jaiñtia Hills District da wai paidbah u yaka yung krehkaam ka dorbar chnong Thangbuli deilang waka M.E. Playground ynnin ka 4 tarik.
Da emlang leh u waheh chnong ka Thangbuli, ki wakreh u BDO wa ki waheh wasian yong ka chnong Thangbuli.
Yaka yalang da pynlai da u Chairman ka VEC u Friday Tariang heiwa da yoh leh yei klam na u Secretary ka VEC u Ransom Pohthmi, u waheh chnong u Disuk Tariang wa na u BDO.
Yaka madan yalehke da pynkreh lyngba ka kreh 100 sngi namo ka MGNREGA kawa da man i kyrkhu ya ki khon khynroo wei kamjooh leh yaka chnong hi waroh ka wi.
U BDO hei klam yong oo da e khublei u yaka VEC kawa da ye wow pyndep ya ini i kreh ya kani ka madan wei neiliang ka yung krehkaam yong oo da kyntu ko ya waroh kiwa da dap 18 snem chaneiñ wow psiah ki hapoh ki SHG.
Da pynkut da ki kyntien e khublei na u Chairman ka VEC ya waroh kiwa da emlang.
