Ka Meghalaya State Legal Services Authority ynne ka sngi da pynman ko yaka National Lok Adalat ha waroh ki District ka jylla hapoh i pynlai ka National Legal Services Authority (NALSA) hei pait u Justice Biswanath Somadder, Chief Justice, High Court ka Meghalaya uwa man leh u Patron-in-Chief ka Meghalaya State Legal Services Authority (MSLSA).
Da pait leh ya ini da u Justice R. V. More, Judge, High Court ka Meghalaya uwa man leh u Executive Chairman ka Meghalaya State Legal Services Authority.
Da em 658 tylli ki mukotduma kiwa ym pu em lai chakhmat wow bichaar wa 551 tylli won ki mukotduma kiwa ym pu em dep biachaar kiwa da chim wow pynbait pynyasuk ynne ka sngi ha kani ka National Lok Adalat ha waroh kawi ka jylla Meghalaya.
Ki kaam wa da yaleh wow pynbait pynkut noh ynne ka sngi toh ki kaam wa yatoh wa ki kari, ki ram ki Bank, ki ya kajia hapyrdi ki arliang wa ki kaam pyrchah aiñ wa khian wa nai.
Da ye wow pynyasuk ya ki 171 tylli ki mukotduma wei da pynbait wow su waroh deilang T. 1,00,10, 452.50p.
