Hadien ka sien wa san da chong yaklam ka sorkar pyrdi wa ki 40 tylli ki seiñ ki warep namo ki Farmers Unions da pyndep yaka ha Vigyan Bhawan ynnin ka sngi wa u Agriculture Minister u Narendra Singh Tomar, u Minister of Consumer Affairs, Food and Public Distribution, Railways & Commerce u Piyush Goyal wa u Minister of State for Commerce u Som Prakash. Ka yachem wow bood daw pynman haka 9 tarik uni u bnai.
Ha ini i yaklam waroh arliang da pynsñiaw ki yeiwa sñiaw ki heiwa u Agriculture Minister da kular u yaki Farmer Unions wa ki Agricultural Produce Market Committee (APMC) toh kiwa khlan wei ym pyntlot ya ki. U Tomar da kular u leh ya ki warep wa ka sorkar u Modi toh kawa kreh yow wanrah yaki laad ki luti neibynta yong ki warep wei kiwa da pynkylla da pynthymme toh neibynta ki warep. Da ong u leh wa i ki dor ki mar rep namo ki Minimum Support Price toh iwa da da pynku da boonsien wei daw pteiñ u pynku ha ki por wow wan leh.
U Minister da kyrpaad u leh yaki Farmers Unions wow pyndam ki yakhih yong ki wei wow pynbait ya ini i kaam deiwa yaklam. Da kyrpaad u leh wa wow chah yaki khynnah kamjooh ya kitu kiwa da heh rta wow e laad ya ki wow liwan ki neidaw wa da sdang i kjam kamjooh wa em ka khlam COVID-19.
U Narendra Singh Tomar da kdaw u leh ya kiwa da leh ka sorkar u Modi hadooh wow booh bhah yaka mang poisa wa boon neibynta ki warep, i bhah hapoh ka PM Kisan Yojna heiwa ki warep da yoh ki yei kyrchaan poisa, ka poisa wa T. 1 lak klur neibynta ki kaam rep, i pynku dor yaka MSP, wei kiwa da thied yaki kor yow pynku yaka rep ka riang. Kamtæ da ong u wa kini man ki kiwa da leh daka sorkar neibynta ki warep ka India.
