U Montri Rangbah ka jylla u Conrad Sangma da pyntip u wa ka Meghalaya da wai yaka neibynta kiwa uiñke suwari kiwa na baar jylla nadooh ka 21 tarik uni u bnai heiwa kiwa wan ke hap ki wow pynemkaam ya u Meghalaya Tourism App iwa ym hoi u dam wei da booh leh yaki kyndon wa hap u bood.
Ya kiwa wan ke cha Meghalaya hadien wa dep ki wow Download ya kani ka App wei da Register ki ya idæ daw yoh yaka e-invite lane ye ki wow phah leh ya ini ha ki Tour Operator wow leh ya ini wei yei pyrtuid ki Tour Operator kiwa da tipmit ye wow yoh pyn naka App wa naka Website ka Meghalaya Tourism.
Daw hap leh wow Upload ya i Photo ID hadien wa dep wow Register.
Hap leh wow khana ya waroh ki thaw wa da thmu ki wow lai wei hap leh wow pynyoo ya ki thaw sah wa da dep wow Book kiwa ym toh u duna yaki ar miet nyngkong.
Lada sah ha ki yung ki lok ki jor namo kiwa emyatoh, hap wow khana yei thaw wam em i yung ki kamjooh waroh ki thaw wa thmu ki wow lai yow yoh yaka e-invite.
Hadien wa leh ya ini waroh, daw phah yaka e-invite kawa hap wow pynyoo ha ki Entry Checkpoint deiwa rah lang yaka COVID Negative Certificate.
