Ka Southern Border Youth Welfare Association (SBYWA), East Jaiñtia Hills District da dap ko dei mynsien sñiawsih wei sñiawdiaw wa khroo hadieñ wa yoh khubor ko wa u ma Handaoo Lamar uwa man u tre ka M/S Lamar Arts ka dukan wa em ha Iawmusiang, Jowai da khlaad syndet u neini na pyrthai ynne ka sngi.
Ka Association mar ya tip ko ya kani ka khubor hajrong i khlaad syndet yong oo, da dap ko dei mynsien wa dooh nong wa khroo neibhah neipor cha i por u ma (L) Handaoo Lamar da yarap u hawa boon ki liang neibynta ka Association khamtam da pynchlur u neibynta u leh yei kaam wa bha ha ka imlang sahlang.
Da ong ko leh wa ym ye ko u mylliñ ya ki kyntien sneiñ wa i e mynsien yong oo ya ka Association wow e yei chakri ya ki paidbah yong ka thaaiñ.
Ka Association da phah ko ya ka khubor sñiawlem cha kiwa ha yung ha sem yong oo hawa kam ini i por wei u Blai Kynrad wow pyntngen ya kiwa ha yung yong oo ha ki sngi wow wan khamtam ya ki khon ki kti yong u.
“To Lai suk ma (L) Handaoo Lamar cha dwar yong u Blai”.
Kani toh katkam ka wyrta wa da phah da u S. Shadap, President SBYWA, EJHD.
