Jowai: Ka Seng Samla Katholik Balang Mihmyntdu chirrup i yakrehlang ka Ai Jingim Voluntary Blood Donation Organization, Shillong, ka Blood Bank Jowai Civil Hospital wa ka Meghalaya Aids Control Society Shillong ha ka 12 tarik uni u bnai da pynman ki ya ka Awareness Cum Voluntary Blood Donation Camp ha RCLPS Lumpyrtuh Mihmyntdu.
Ha kani ka sngi chwa wow sdang ka Blood Donation Camp da em ka yalang yahkhmat wa tbian hei pynlai u Richard Phawa, Vice President SSKBM wei da yoh leh ki kyntien pdiang burom na u L. Chyrmang, Asst. Secretary SSBKM katwa ka C. Chyrmang, Secretary SSKBM hawa kut da e ko ki kyntien khublei.
Ya kani ka e snam sñiawbha da wan wow wai pynemburom da u Brightstar Chyrmang, MDC JHADC hei emlang leh ka Aiti Marry Mawlong, Adviser SSKBM, ka Dr. P. Shylla, In-charge Blood Bank Jowai Civil Hospital wa ki dkhot ka Ai Jingim Voluntary Blood Donation Organization, Shillong.
Chooh chooh ha kani ka sngi da em leh i pynkup burom ya kiwa e snam namo ki Blood Donors wa ya ki dkhot ka Ai Jingim Voluntary Blood Donation Organization, Shillong.
Neiliang ka Dr. P.Shylla hawa yaklam da ong ko i e sñiawbha yei snam toh man i ka luti wow yarap u pynim yei mynsien wa kordor yong ki para bru heijooh i por yarap ko leh ya kitu ki bru wa e snam wow man ki kiwa chait wa khiah kamtæ khut kyrsu kyntu ko ya ki paidbah wym hoi u man ki kiwa tien wa sorsa u e yei snam yong ki lyngba kam kini ki Blood Donation Camp næ deiwa wan cha ka Blood Bank.
