Ka Cabinet Committee on Economic Affairs, wa chongknor da u montri rangbahdooh ka ri, u Narendra Modi da pdiang ko wow e yarap hadooh T. 3,500 klur cha ki warep pe (Ganna Kisan).
Katkam wa man katni em hadooh kamwa san klur ngut ki warep pe (Ganna Kisan) hapoh India wei em kamwa san lak ngut ki wakreh ha ki karkhana chini (Sugar Mills) wa kiwi kiwi ki kaam wa yatoh wa u pe kiwa imja neini.
Ki warep dai ki ya u pe yong ki cha ki karkhana tangwa ym em ware u yoh myntoi ki neidaw wa da em chwa chiboon i chini (Surplus Sugar Stock) wei ka sorkar da chimkhia ko yeini.
Deiwa leh kamni ka sorkar daw ye ko u yarap wow su poisa ya ki warep heiwa daw pynlut hadooh kamwa T. 3,500 klur hajrong ini heiwa ka poisa daw thap ya ka cha ki Account ki warep neibynta ki karkhana khnang wow myntoi ki.
Kani ka Aubsidy daw kynthup ko nadooh i song ya ki pe, wow pynkylla chini ya ki, i bai kit hapoh ka ri wa i bai chalan iwa hadooh 60 LMT i chini katkam ka Maximum Admissible Export Quota (MAEQ) wa da yoh ki karkhana ha u snem 2020-21.
