Ki wakreh ka National Health Mission hapoh ka National Health Mission Employee Association of Meghalaya District Executive Committee East Jaintia Hills District (NEAM DEC EJHD), ynnin ka 17 tarik da pynman ki ya ka ‘Free Medical Camp’ ha chnong Huroi, East Jaiñtia Hills.
Ha chwa wow sdang yei sylli yei chait i khiah kiwa chong chnong, da em ka yalang wa pynlai da ka Daphihi Passah ka dkhot ka NEAM heiwa da yoh ya ki kyntien pdiang sñiawbha na u President NEAM (National Health Mission Employees Association of Meghalaya) District Executive Committee East Jaiñtia Hills District Unit wa kiwi ki dkhot ka NEAM EJHD. Da emlang leh u Dr. D. Shylla, District Medical & Health Officer, East Jaiñtia Hills, u Emlangky Lamare, Executive Member (JHADC), In-charge ka Revenue, MDC Narpuh Constituency, u Waheh Chnong wa Secretary ka chnong Huroi, ki wakreh ka Bansara Eye Care, Umkiang PHC wa kiwi kiwi de.
I khana chaphang i seiñ yaka Association khmjooh i thong krehkaam yong ka da khana da u Risakmenlang Khongsam, Asst. General Secretary wa na u Markstarwell Swer, General Secretary kamjooh ka thong wa pynman ya kani ka Medical Camp cha ki chnong wa em cha kdong cha chmiang yow pynpoi ya ki kaam e sumaar cha ki thaw wa cha jngai.
Da khana leh ka Association toh kawa kreh du wow pait leh yei bha i miat ki wakreh wa em hapoh ka NHM.
Neiliang u kongsan u E. Lamare da kyrchaan u ya iwa leh ka Association deiwa pynman ya kani ka Free Medical Camp.
Neiliang u Dr. D. Shylla wa man leh kam uwa chah khut sñiawbha da pynknmoo u ya ki paidbah yei emkaam wow man kiwa lehkhooid kamjooh wow im deiwa thymme deiwa yajngai uwi na uwi, u sait khooid bha ya ki kti, wow tymmoh ya i ktien wa i khmut haka ka’oh wa synrieh ha kini ki por wa em ka khlam COVID-19.
U Waheh chnong u G.P. Marbaniang da yaroh u yaka Association wa pynman ki ya kani ka Medical Camp ha kani ka chnong kawa chitom bha wow poi wa em 2700 ngut ki bru wa 375 tam ki manyung kawa da chah iehdien neidaw wa sih palat ki sarok.
Ha kani ka sngi da saam leh ya ki tiar, ki tar wa emkaam cha ki 10 tylli ki manyung wa em hapoh ka BPL hapoh ka chnong. Ka Association da pyntip ko wa daw pteiñ ko ya ini katwa ye ko ha ki sngi wow wan.
Da pynkut yaka yalang da ki kyntien e khublei na u Hamlet Suiam, Vice President ka Association.
