Ka lehkmen wow kynmoo warom ya ka lyngkhooh sngi yap wa 80 snem u SosoTham ha Sohra da man ko kawa phooh wa phieñ heiwa da wai ya u mot sah kynmoo yong oo ha i thaw paidbah haka chnong tre u ha Saitsohpen.
Ka Khasi Students’ Union, Sohra Unit da pynyieñ ko ya uni u motdur ha ka laad bah yong ka chnong Saitsohpen wei da sdang ya i lehkmen dei lai paidbah na Nongsawlia hadooh Saitsohpen ryngkat ka ksiñ ka dhah wa tangbhuri.
Da wai ya u motdur da u kongsan uwa man leh u khliehdooh ka KSU seiñbei u Lambokstarwell Marngar wei da pynhær ya ka lama yong ka KSU da u khliehdooh wa nachwa u Daniel Khyriem hei ya emlang u Dr. DRL Nonglait, u khliehdooh ka Khasi Authors’ Society, ki waheh na ki kyntoit chnong Sohra wa kiwi kiwi ki dkhot ka KSU.
U kongsan hei klam yong oo da yaroh ya ki kaam u Soso Tham heiyatoh wa i thoh i tar dei yong Khasi deiwa kdaw kyrpang ya ki kot ki sla wa da pynkylla u cha i ktien Khasi deiwa pynyahap yaki parom kiwa na chilliang duriaw wa i long i man ki Khasi. Da ong u leh wa ki spah wa da ieh u Soso Tham chadien man ko leh kam ka daw bah wa ye u dawa yei tipmit yaka ktien Khasi hapoh ka Eight Schedule.
Ya u motdur da riñ dur da u Aiban Shngaiñ Mawkhroh wa u Raphael Warjri wei da pyndap pynbiang da ka Riti Academy wa yahkhmat da u Skhemlang Hynñiewta wow tah dur ya u mot.
