Ynne i step ka 18 tarik, ka KSU Namdong Unit da lai e yarap ko cha ka wi ka manyung wa maad yei chitom kawa em le ngut ki khon wa dang khian wei ka manbei leh na i daw wa ban i kjut kamwa ar bnai, ym lait klam de ko hadooh wa da ktah yei bor pyrkhat kamtæ ym ye de wow kreh wei wow pyndap yaka yung ka sem.
Neiliang ka chnong Mukhnang da ya kynchew ko man-ki-por yow e yarap cha kani ka manyung.
Hapoh i yahkhmat u General Secretary ka Namdong Unit u Juhhi Tariang ryngkat wa u Assistant Sports Secretary u Kitbok Lamare wa ki kattu katni ki dkhot ka seiñ da lai e yarap ki da u khoo, u dai wa u salah kam chibynta wow kyrchaan lang yaki pradoh prasnam yow lait na i yap thngan.
U Juhhi Tariang da kyrpaad wei khut u leh ya ki seiñ krehmon sñiawbha waphær waphær wa ki bru samen wa emlaad wow sñiawbha wow e yarap lang ya kani ka manyung.
