Ynne ka 21 tarik da wai paidbah ya ki 9 tylli ki yung wa da chna hapoh ka Scheme PMAY-G hapoh ka chnong Madankynsaw-Mowkyndeng, West Jaiñtia Hills.
Da emlang leh u Gram Sevak yong ka Raliang Circle u Peter Wann, u Block Technical Assistant ka Raliang Circle u Moses Swer, u BFT yong ka Raliang Circle u Heiwamut Lamare, u Waheh Chnong yong ka chnong Madankynsaw-Mowkyndeng u Danny Shadap, wa kiwi tawan ki wakreh ha Block wa kamjooh ki dkhot ka EC yong ka chnong deilang wa ki tre yung yong ki 9 tylli ki yung.
Kani ka Scheme man ko neibynta u snem 2019-20 heidor wa T. 1,30,000 iwi i yung. Kiwa yoh myntoi na kani ka Scheme toh ka Wanly Biam, ka Wanmon Langstang, ka Ridahun Suchiang, ka Santa Biam, ka Poimon Lamare, ka Nijan Rabon, ka Ribhamo Suchiang, ka Banrilin Shadap wa ka Wandakaru Dhar.
Neiliang u Gram Sevak u Peter Wann da yaroh u yei booddien yong ka chnong wei kamjooh leh ya i chimkhia kini ki tre yung wow pyndep pynmiat ya kini ki yung wei kamjooh leh de kyrkhu kyrdoh u ya kini ki manyung wow man ki kiwa yatylli kiwa ya maya wa yasuk wow man sakhiat ki ki yung wa pura.
Neiliang u Moses Swer da pynchlur u ya ka VEC yong ka chnong wow e yarap chooh chooh ya kini ki manyung mansem lada em kiwi tawan ki jait yarap wa em yurim wa man sakhiat wa emkaam ki.
Neiliang u Assistant Secretary chnong u Rimanki Chympa da e khublei kyrpang u ya ka yung krehkaam yong ka Block wei kamjooh leh kitbok kit rwiang u ya kini ki 9 tylli ki manyung hapoh ka chnong ka thaw.
