Ka seiñ JSM Women’s Wing da e ko dei thoh cha u CEM ka JHADC wa cha u DC wa u SP ka West Jaiñtia Hills hajrong i takit wei wow kem smat ya u Dolloi ka Elaka Nartiang u Hep Singh Dhar uwa yut rieh nadooh ka 3 tarik uni u bnai wei ym pu yoh wow kem haddooh katni ya oo hadien wa chah pynbaad slaitbor u ya kawi ka bru.
Hajrong ini neiliang ka JSM Women’s Wing da pynsñiaw ko yei sñiawsih wa khroo wa ki bor ka aiñ ym pu yoh ki wow kem ya oo deiwa ong wa iwa phylla toh wa ya kiwa tooh smat ki wow kem katwa ya uni won ym pu em ye u kem ya oo.
Chooh chooh neiliang ka seiñ da dawa joor ko ya ki bor ka aiñ wow takit khnang yow ye u kem wut wut ya uni u bru neibhah wa ini ym toh i sien wa nynkong tangwa da boonsien wa da leh u ya ki kaam poh jait, ong ka kyrwoh naka Nidaialam Dkhar, General Secretary ka JSM Women’s Wing Central Body.
