Ka Khasi Students’ Union (KSU) Narpuh Circle ynne ka sngi da lai yachem ki ya u E. Kharmalki, IAS, DC, EJHD neidaw wa da kylla rong suiñbneiñ biang ka wah Lukha la kamwa chi tayaw yow dawa pynman yaka takit kawa ym em yachah chilliang.
Ka seiñ da dawa ko na u DC wow pyndep yaka takit hapoh 3 tayaw.
Ka seiñ da kyrmen ko wa ka sorkar daw chimkhia ko neibhah ini ym toh i myntoi ya ka seiñ tangwa yaka pateiñ wow wan yow yoh biang ki sa chisien yaka wah wa khooid.
Neiliang u DC da kular u wow chimkhia, uwa da ong leh wa da sakhi u da oo hi yeini i kylla rong kani ka um deiwa ong leh wa ym ye wow ngait wa kylla rong suiñbneiñ ka um na u mooyong neibhah u mooyong wanrah u ya ka um wa soo kawa man rong sap sarah wa kylla rong stem. Hanla kattæ leh da ong u wa hap wow leh ya ka Test katkam ka juk yow che da ki stat wa chemphang.
Kam wow pynkynmoo wa ha uni u snem ha u Naitung (April) ka wah Lukha da dep wow kylla rong suiñbneiñ.
