U Chief Secretary ka jylla u M.S. Rao da pyntip u wa hadien wa da wai ya ki thaw uiñke suwari hapoh ka jylla nadooh ka 21 tarik uni u bnai, tangwa neidaw wa mih u jait khñiang Coronavirus wa thymme ha United Kingdom (UK), kamtæ waroh kiwa uiñke suwari wa wan na UK ym chah wow psiah ki chapoh Meghalaya chi syndon hadooh wa pynmih hukum da kamwi.
Kam wow pynkynmoo wa ka sorkar India leh da khang ko wow wan ki lieñsuiñ na UK cha India nadooh ynnin ka sngi hadooh ka 31 tarik uni u bnai.
Neiliang ka sorkar jylla haka 21 tarik uni u bnai da sdang ko leh ya i wan ka lieñsuiñ na Delhi cha Shillong kawa arsien chi tayaw.
