Jowai: Ki bor pait bor pynlai ka Seinraij Lower Primary School, Mukhap ha ka thong wow khriñ yei pyrkhat pyrdaiñ ki khynnah chaphang u Kiang Nangbah wa kiyi kiyi ki kaam kiwa da leh u neibynta ka jaitbru ka ri kam u Khlawait ka Ri 12 Dolloi kat hadooh wow poi u pood u kut i mynsien yong oo ha u tylle pasi ka sorkar Pharæng kawa man ha ka 30 tarik Kmaichonglad 1862.
Neiliang ka skur da pynman ko yaka yalang kawa datip kam ka General Knowledge Competition About U Kiang Nangbah wei da pynman ya ha ka 23 tarik Kmaichonglad 2020 heiwa chwa wow sdang kani ka prokram da em i klam i kappe na u T. Papang, Secretary SMC Seinraij LPS Mukhap kamjooh na u S.D. Laloo uwa da batai hapyrdi ki khynnah chaphang i parom wa tbian u Kiang Nangbah kam u khlawait ka Ri 12 Dolloi uwa im ha ka yurim yong i Tipbru Tipblai- Im Hok im chlur wei maya ya ka ri wa ka jaitbru.
Chooh chooh neiliang ki bor pynlai ka Seinraij LPS Mukhap da khanna wa ha uni u snem deilang wei bood ryntih ya ki adong sorkar daw pynman ki leh ka prokram kyrpang wow kynmoo warom ya ka sngi yap wa 158 U Kiang Nangbah ka wow man ha ka 30 tarik u Kmaichonglad.
