Ka FKJGP Laskieñ Block Circle ha ka 24 tarik uni u bnai da e ko da ki kymmor wa 20 tylli ki manyung wa dooh kam ka e sñiawbha Christmas cha ki manyung ka Iooksi pyllun kam ka Umdienglieñ, Priang, Iapkhla, Kyanmynsar wa Tongkiat.
Ha chwa wow e ya ki kymmor da em ka yalang wa khian wa pynlai da u Melamlynti Sumer uwa man leh u President ka Laskieñ Block Circle, hei ya emlang kiwa na jan chnong .
Da yoh leh i klam na u President ka Iooksi Unit u R. Lakiang katwa u C. Tangliang u waheh chnong da e yaroh u ya ka seiñ wa da leh ko yei kaam wa bha neibynta ki khon yong ka chnong, da kyntu chooh chooh u leh wow pynemkaam hok yei wa da yoh hanla man i iwa khian leh.
Da yoh leh i klam na u Wompher Wann, na ka Ibawan Pyntngen Law ka President yong ka Women’s Wing Jaiñtia Hills Zone wa na u Tuesday Lytep kam u President ka Jaiñtia Hills Zone, da yoh leh i kyntien khublei na u Kyntumiki Manar uwa man kam u G.S. ka Laskieñ Block Circle.
Da emlang leh kiwi kiwa kitkaam nadooh ki Jaiñtia Hills Zone, ka West Jaiñtia Hills, chirup wa ki dkhot ka Laskieñ Block Circle.
