Ka dan wa da khrong lyngba ka FASTag ynnin ka 24 tarik da man ko ka sien wa nyngkong dooh wa kynjoh i hadooh T. 80 Klur chi sngi lyngba ki 50 Lak sien i su lyngba u FASTag.
Deiwa em palat 2.20 klur tylli ki FASTag wa da e hadooh ynne ka sngi, i pynemkaam ya ka FASTag da sdang ku i syndet.
Da kyrmen leh wa hadien wa ka sorkar pyrdi da pynmih hukum ko wa emkaam hiwot (Mandatory) ya ka FASTag nadooh ka 1 Duyatra (January) 2021, ka NHAI leh da pynkhreh ko yei lai luti iwa suk ki kari lyngba kini ki Toll/Fee Plaza.
Wow yoh ya ki FASTag toh lyngba ki 30,000 tylli ki Points of Sale (PoS) ha kylleiñ ka ri wa da booh ha ki NHAI Toll Plaza.
Ye leh u yoh ya ka lyngba ka Amazon, Flip Kart wa Snapdeal.
Ya ini i jooh da krehlang leh chirup wa ki 27 tylli ki Bank heiwa da em na ki leh kiwa da pynsuk ya ki paidbah deiwa sdang ya ka Bharat Bill Payment System (BBPS), UPI, Online payments, My FASTag Mobile App, PAYTM, Google Pay wa kiwi kiwi.
Chooh chooh ye leh u Recharge ya ki FASTag deiwa su poisa ha ki Point of Sales (PoS) kiwa em ha ki Toll Plaza.
Ka FASTag pynemkaam ko ya ka Radio-frequency Identification (RFID) wow pynsuk yei lai i wan ki paidbah khlem sangeh.
