Kam chibynta wow pynkhlan ya ki tiar yaleh ka Indian Air Force (IAF), daw chimkti ko sa 3 tylli ki lieñsuiñ yapam Dassault Rafale ha u Duyatra (January) 2021.
Kini ki lieñsuiñ yapam u hær ki na France cha Gujarat khlem sangeh heiwa daw pyndap phñiang ya ki da ki lieñsuiñ kit phñiang yong ka France wa India.
Kam wow pynkynmoo heini, ka India ha u Naikhynde 2016 da mynjur wow thied 36 tylli kini ki lieñsuiñ yapam ha i dor wa T. 59,000 klur na ka France.
Ka IAF daw chimkti ko 3-4 tylli kini ki lieñsuiñ man ka ar bnai wei kini ki 36 tylli ki lieñsuiñ yapam toh kiwa daw pynchong ha Ambala, Punjab wa ha Hasimara, West Bengal.
