La 15 sngi kiwa dang yoh COVID-19 ha India da neh ki hapoh 30,000 ngut wei kiwa dang chait la 31 sngi da tam ki ya kiwa dang yoh heiwa ha kini ki 24 kynta kiwa dang yoh da em ki 20,021 ngut, kiwa dang chait 21,131 ngut, kiwa dang yap 279 ngut, iwa mut wa kiwa dang em ya uni u khñiang da hiar ki da 1,389 ngut.
73% na kiwa dang chait toh kiwa em ha ki 10 tylli ki jylla kiwa boon dooh ha Kerala 3,463 ngut, Maharashtra 2,124 ngut, West Bengal 1,740 ngut, Uttar Pradesh 1,391 ngut, Karnataka 1,214 ngut, Rajasthan 1,168 ngut, Madhya Pradesh 1,160 ngut, Chhattisgarh 1,134 ngut, Tamil Nadu 1,091 ngut wa ha Delhi 939 ngut.
80% na kiwa dang yoh toh kiwa em ha ki 10 tylli ki jylla kiwa boon dooh ha Kerala 4,905 ngut, Maharashtra 3,314 ngut, West Bengal 1,435 ngut, Tamil Nadu 1,009 ngut, Madhya Pradesh 946 ngut, Karnataka 911 ngut, Uttar Pradesh 900 ngut, Gujarat 850 ngut, Rajasthan 843 ngut wa ha Chhattisgarh 825 ngut.
Waroh kiwa chait da poi ki 95.83% kiwa ku naka 95.82% kiwa em 97,82,669 ngut; kiwa dang em ya uni u khñiang da em ki 2.72% kiwa hiar naka 2.74% kiwa em 2,77,301 ngut; 1.45% kiwa yap kiwa em 1,47,901 ngut, deilang waroh da poi 1,02,07,871 ngut kiwa da dep yoh ya uni u khñiang hapoh ka ri.
Kiwa chait da tam ki da 95,05,368 ngut ya kiwa dang em ya uni u khñiang iwa ku da 22,520 ngut nadooh ynnin ka sngi.
