Jowai: Kam wa da tip wa ka 30 tarik u Kmaichonglad toh ka sngi yaam bru ki khon ka Ri Khadar Dolloi ha ki spah snem kiwa dalai heiwa ka sorkar pharæng dei thmu wow knieh yei bor synchaar na ki tre ri tre muluk wei wow pyndooh pyndam yei man kyrpang ka jaitbru da pasi ko ya u Woh Kiang Nangbah uwi na kiwa yahkhmat wa khroo ki khon ka Ri Khadar Dolloi.
Kamtæ kamwa na ki snem cha ki snem da yoh u sakhi yei kynmoo warom ya ka lyngkhooh sngi yap u khlawait ka Ri ha kylleiñ ki thaw ha ki dur ki rukom waphær waphær.
Ha uni u snem leh hapyrdi i em ki aiñ sorkar wa khoom wa kdooh yei man laitlooid wow leh warom ya kani ka sngi kamwa jooh, ki khynnah ha kawi na ki manyung yong ka chnong Jowai dei sñiawkhia yei man kani ka sngi da chimbynta ki wow kynmoo warom yow Woh Kiang Nangbah deiwa thoh ya ki sur-rwai (Poetry) wei dro ya ki dur yong ki tiar yaleh thma u Kiang Nangbah.
