Ka KSU Saphai Unit lyngba ka kyrwoh wa phah da u President ka Unit u Balawan Suchiang, ka seiñ da booh ko da i maham ya kitu kiwa wan baamdoh sñiawbha na kylleiñ ki chnong ha rood ka wah Kupli ha chnong Saphai nadooh ka 31 tarik uni u bnai hadooh u snem thymme.
Ka seiñ da maham ko leh wa ym toh u dih muaid wei wow pynkulmar, leh khlem akor, u pynpiah klong, wei wow noh roi yei jahkhlia hapoh u pood u ang ka chnong Saphai.
Neiliang ka seiñ da dep yachem wei da e leh dei thoh cha ka thanat Saphai Outpost wow pait wei wow kdoh u khoom yeiwa sih ha kam kini ki por.
Ka seiñ da pyntip ko leh wa neiliang u In-charge ka Police Outpost leh da kular u wow chimkhia khnang wym me iwon iwon i kulmar lane i jia wa sñiawsih.
