Ka ri India da poi ko sa cha uwi u moomær haka thma yaleh pyrchah ya ka khlam COVID-19 deiwa tam 96% kiwa da chait hadooh ynne ka sngi kiwa da em 98.60 lak ngut iwa man leh iwa boon dooh na ki ri ka pyrthai.
Heiyatoh won wa kiwa dang yoh ya u khñiang COVID-19 thymme uwa mih na UK, da em sa 5 ngut kiwa dang yoh kiwa chem daka NIV, Pune 4 ngut wa 1 wa chem da ka IGIB, Delhi kiwa kattæ da em waroh 25 ngut hapoh ka ri.
Waroh kiwa dang yoh ha kini ki 24 kynta da em ki 21,822 ngut, kiwa dang chait da em ki 26,139 ngut, kiwa dang yap 299 ngut iwa mut wa kiwa dang em ya uni u khñiang da hiar ki da 4,616 ngut.
78% na kiwa dang chait da em ki ha ki 10 tylli ki jylla kiwa boon dooh ha Kerala 5,707 ngut, Maharashtra 4,913 ngut, Chhattisgarh 1,588 ngut, West Bengal 1,557 ngut, Karnataka 1,217 ngut, Uttar Pradesh 1,202 ngut, Rajasthan 1,142 ngut, Madhya Pradesh 1,061 ngut, Tamil Nadu 1,060 ngut wa ha Delhi 940 ngut.
80% na kiwa dang yoh da em ki ha ki 10 tylli ki jylla kiwa boon dooh ha Kerala 6,268 ngut, Maharashtra 3,537 ngut, West Bengal 1,178 ngut, Chhattisgarh 1,069 ngut, Uttar Pradesh 1,025 ngut, Karnataka 973 ngut, Tamil Nadu 945 ngut, Madhya Pradesh 866 ngut, Gujarat 799 ngut wa ha Rajasthan 770 ngut.
Waroh kiwa chait hapoh ka ri da poi ki 96.04% kiwa ku naka 95.99% kiwa em 98,60,280 ngut; kiwa dang em ya uni u khñiang da em ki 2.51% kiwa hiar naka 2.56% kiwa em 2,57,656 ngut; 1.45% kiwa yap kiwa em 1,48,738 ngut, deilang da poi 1,02,66,674 ngut kiwa da dep yoh ya uni u khñiang hapoh ka ri.
Kiwa chait da tam ki da 96,02,624 ngut ya kiwa dang em ya uni u khñiang iwa ku da 30,755 ngut nadooh ynnin ka sngi.
