Ka sorkar jylla Kerala da pynmih hukum wow khang ya ki lehkmen snem thymme ha ki thaw paidbah kamjooh ki yalang paidbah kam chibynta wow pyntkut yei poor ka khlam COVID-19.
Da phah leh wa ki lehkmen pdiang snem thymme haka 31 tarik toh u kut ki chisien poi 10 waje i miet.
Chooh chooh ka hukum da phah ko wow deiñ ya ki Face Mask, u bood yaka Social Distancing wa waroh kiwi ki kyndon wa da pynmih da ka sorkar deiwa ong leh wa ki lehkmen snem thymme daw wanrah ko yei ku kiwa yoh COVID-19 hapoh ka jylla.
Kam wow kdaw heini wa kiwa dang yoh COVID-19 ha kini ki tayaw wa dep toh kiwa boon dooh ha Kerala na waroh ki jylla ka ri.
Ha kawa yasariem ka khubor, ha Delhi da pynkrehkaam daka Night Curfew nadooh 11 waje i miet ka 31 tarik hadooh 6 waje i step u snem thymme ka wow pteiñ biang nadooh 11 waje i miet ka 1 tarik hadooh 6 waje i step ka 2 tarik deiwa khang ya kiwon kiwon ki yalehkmen pdiang snem thymme ha kini ki por tangwa ym em khang yei lai na kawi ka District cha kawi kamjooh cha kiwi ki jylla.
Ka jylla Odisha leh da khang ko ya ki yalang paidbah ha ki Hotel, Restaurant, Clubs, Parks, Convention Hall wa kiwi kiwi haka 31 tarik wa haka 1 tarik u snem thymme ha waroh kawi ka jylla.
