Ynnin ka sngi, ka KSU Narpuh Circle da ujor ko da ka FIR ha ki pulit ka Umkiang pyrchah yei wan khloh moo kiwa na Assam naka wah Malidor kawa em ha East Jaiñtia Hills hadien wa pteiñ hi ini i kaam.
Ha ka FIR da ong wa ka wah Malidor toh kawa dang haap hapoh ka Meghalaya wei da wan kiwa na Assam pyrchah ya ka aiñ wow khloh moo na kani ka wah uwa da kit cha Assam iwa dang joor katwa dang lai ki sngi.
Kamtæ da ong wa emkaam wow yada yow pood ka jylla kamjooh, yaki um ki wah wa waroh ki jait im wa em haka iwa da sakhi ka seiñ da ki khmat iwa chah ktah na ini i khloh moo, kamtæ da kyrpaad ya ki bor ka aiñ wow chimkhia ya ini i kaam.
Kam wow pynkynmoo wa ini wa dep neiliang ka KSU Narpuh Circle da dep ko wow beh ya kiwa wan khloh moo na kani ka wah.
