Ynne ka sngi da yoh yutip wa da chem ya i metyap yong uwi u bru wa pasi hajan Nartiang ya iwa da suba toh i yong u Dolloi ka Elaka Nartiang, u Hepsing Dhar.
Hawa yaklam wa u SP ka West Jaiñtia Hills, u Bikram Marak wow pyntikna yeini da ong u wa em hi kam itæ i chem metyap wei dang lai ki pulit cha i thaw wow pyntikna i yong ini i metyap.
Kam wow pynkynmoo heini, u Hepsing Dhar da yut rieh u kattu la chi bnai tam hadien wa chah pynbaad wa slaitbor u ya kawi ka kynthai ha ka 30 Khonchonglad 2020.
Daw pyntip chooh chooh i hajrong ini kat dang yoh ya ki yutip.
