Ka seiñ JSM lyngba ka kyrwoh na u C. Suchiang u GS ka Jowai Circle, da ong wa nalor wa duna i rukom saam um-baam um-dih hapoh ka chnong Jowai, da chem leh ya kiwa boon ki Pipe um kiwa wan na Government Boys’ HS School kiwa lai lyngba u sarok wow lai cha kani ka skur toh kiwa pai kiwa sih neidaw wa kreh khalær ki wakreh ka PHE.
Ka kyrwoh da ong ko leh wa da yoh ya iwa boon i ood naki paidbah heiwa ka seiñ da chem ko leh wa man-i-por heipor 7:30 i step wa lait ka um cha madan na kini ki Pipe kiwa ym em wa wan pynchna iwa da pynsih leh yaki sarok wa em ha kitai ki thaw.
Neiliang ka seiñ da ong ko leh wa ym em uwi leh u sahep wa chimkhia yeiwa duna ka um hapoh Jowai iwa da ktah sakhiat ya kiwa boon. Kamtæ da kyntu ya u Executive Engineer ka PHE wow tuklar ya ini i lait ki umkor hapoh ka chnong Jowai.
