Ka chnat Animal Husbandry & Veterinary ka jylla Meghalaya da pynmih ko ya ki sneiñ ki kyntu cha ki paidbah neidaw wa em ka kjut syiar kamjooh ha kiwi ki jait sim kawa tip kam ka Avian Influenza (Bird Flu) iwa da jia ha ki kattu katni ki jylla ka ri, kamtæ hapoh ka jylla leh da hap emkaam wow man kiwa husiar yow lait u poor kani ka kjut, hajrong ini da pynmih ya kini ki kyndon ha wah kiwa hap wow bood bniah.
Waroh kiwa ri syiar kamjooh ki paidbah toh u man ki kiwa paitbniah lada em i yap syndet ki syiar kamjooh ki sim khloo lane ki sim kiwa wan na kiwi ki thaw wei wow pyntip wut wut cha u District A.H. & Veterinary Officer lane cha u Sub-Divisional A.H. & Veterinary Office lane cha ki Veterinary Dispensary kiwa em chajan dooh.
Hap khang yei yoh ki bru wow psiah u mih katwa ngait cha ki thaw ri syiar wei hap leh wow man kiwa lehkhooid wei kiwa yada ya idæ.
Ym toh wow tba ya ki syiar wa kjut, kiwa yap hadooh ki sim khloo.
Toh u sait bha ya ki kti da i sabon boonsien khamtam lada dep tba ya ki syiar kamjooh i doh syiar i wym pu em chet.
I doh syiar, pylleiñ toh u baam du hadien wa da dep chet bha.
Lada emkaam wow yoh yutip wa rap bniah ye wow phone ha kini ki number 9863316850 lane 8414953455.
