U Prime Minister ka ri u Narendra Modi ynne ka sngi da khlieh u yaka yalang High-Level Meeting yow pait yei long i man heiyatoh wa u COVID-19 kamjooh i pynkrheh yow e noh yei dawai yada namo i COVID Vaccine. Ya kani ka yalang da wan embynta lang u Cabinet Secretary, Principal Secretary u PM, Health Secretary wa kiwi ki heh.
U Prime Minister da yaklam wei da paitbniah u ya kiwa boon ki kaam wa yatoh wa u COVID kamjooh yei e bor wow pynemkaaam ya ki artylli ki dawai yada kitæ i Covishield wa Covaxin.
Heiwa nyngkong u e ya ini i dawai COVID-19 Vaccine cha ki wakreh ha ki kaam sumaar sukhær wa kiwi kiwa em hakhmat dooh ha ini i yaleh pyrchah yaka khlam kiwa da antaad wa em kamwa 3 klur ngut, heiwa daw pynbood won sa kitu kiwa em 50 snem chaneiñ wei hadien ya kitu kiwa em hapoh 50 snem kiwa em chwa yei chitom kiwa em kamwa 27 klur ngut.
U Prime Minister da pait u leh yei rukom krehkaam ka Co-WIN Vaccine Delivery Management System ka wow pynsakhiat ya kitu kiwa toh u yoh ya ini i dawai heiwa da em 79 lak ngut kiwa da dep em pyrtuid hapoh yong ka.
Hadien ini deiwa pyrkhat wa daw em boon ki lehkmen kam ka Lohri, Makar Sankranti, Pongal, Magh Bihu wa kiwi kiwi, da pynbna wa ya i dawai yada na u COVID-19 u sdang wow e nadooh ka 16 tarik uni u bnai.
Kam wow pynkynmoo wa da dep pynkreh wow e dawai deiwa pyndur la le sien hapoh ka ri.
