Ka khlam u COVID-19 kawa da sdang na sorbah Wuhan ha China da ktah ko leh ya waroh ki ri heiwa da khlaad leh da ki phaw lak ngut ki bru ha kylleiñ ka pyrthai wei boonsien da mih i suba wa i pynbaad wa ha rukom heiyatoh wa i sdang kani ka khlam.
Ynne ka sngi, ki 13 ngut ki bru chemphang (Scientist) na ka World Health Organisation (WHO) da poi ki ha sorbah Wuhan wow takit yei sdang kani ka khlam.
Kini ki 13 ngut daw sdang ki yei kaam yong ki hadien ar tayaw manda pyndep ki ya ka Quarantine yong ki katkam ki kyndon wa da booh ka China ya ki bru wa wan na baar ri.
Da suba wa uni u khñiang da bi u cha ki bru na ki labit namo kiwi ki jait mrad wa em ya uni u khñiang.
