U Deputy Commissioner ka East Jaiñtia Hills District, u E. Kharmalki, ynne da pynlait u ya i dawai yada na u COVID-19 ha Sutnga Community Health Centre (CHC), East Jaiñtia Hills District.
Ha kani ka sngi da emlang u District Medical Health Officer ka District, u Dr. Jatin Thakkar, CVHO, WHO for East Jaiñtia Hills District, Dr. T. Shylla, Block Development Officer, Khliehriat C&RD Block, Dr. R. Pyrtuh, Block Development Officer, Saipung C&RD Block wa kiwi kiwi.
Kam u kongsan, u E. Kharmalki da ong u wa kiwa yoh nyngkong ya ini i dawai katkam ki kyndon ka sorkar toh ki wakreh ha ka chnat i chait i khiah deiwa kyntu ya ki wow pynwiar ya i tieñ wei wow yada pyn daki yaki hi.
Da ban joor u leh ya ki wow bood ki ya ki kyndon yada na uni u khñiang wei wow man kiwa lehkhooid.
Da ekhublei u leh ya ki Medical Officers, Health Care Workers kamjooh ki wakreh ka Sutnga CHC wa man ki kiwa nyngkong dooh wow yoh ya ini i dawai.
Ka Dr. E.L Kharmutee DIO I/C ka District da ong ko wa hadien ki wakreh ha i chait i khiah daw e ya i dawai yada COVID-19 cha kiwa palat 50 snem neitæ ya kiwa em kjut em chitom (Co-morbidities) wa kiwi kiwi.
Da ong ko leh wa daw pybkrehkaam ya ka COVID- 19 Vaccine Intelligence Network (Co-win) wow booddien ya i man i long kiwa yoh ya ini i dawai.
Ya ini i e dawai da sdang deiwa e ya ki wakreh ka Sutnga CHC.
Kiwi kiwa da klam ha kani ka sngi toh u Dr. D Shylla, District Medical & Health Officer, East Jaiñtia Hills District, ka Dr R. Toi, MO I/C, Sutnga CHC wa kiwi kiwi.
