U Montri ka sorkar jylla, uwa man leh u MLA ka HSPDP na Mawkyrwat, u Renikton L Tongkhar da kyntu u ya ki khynroo khyllood wa ymtoh u chaniah ki du ha kiwa mihkhmat næ ki bru wa em hei bor tangwa emkaam wow man ki kiwa kreh chitom pyn daki hi wow yoh khih yoh kreh.
Hawa yaklam wa kiwa pathai khubor ynne sngi, u Renikton da pynsñiaw u yei diaw hajrong ini i rukom pyrkhat ki khynroo khyllood wow paan yarap du na kiwa mihkhmat khamtam na ki Montri wa ki sahep sorkar wei kiwa boon ym em de i chaniah ki pyndaki yaki hi.
U Montri da ong u leh wa neibynta wow yoh kreh ki khynroo khyllood emkaam wow yarap chwa pynya idæ wei man iwa sñiawsih lada ki khynroo ka jylla ym chaniah de ki yei bor yong ki heiwa ym swe de ki wow su da ka poisa wow yoh kreh.
Da ong u leh wa ym man iwa suk ya kiwon kiwon wow pynbor næ u yarap e kreh neibhah wa em ki kyndon wa haap wow yakhun wei em leh ki dkhot ha ki Committee kiwa pynyaleh ya ki Exam wei kini man ki kiwa bichaar wei em ki ya i hok wow e Marks katkam i minot ki khynroo khyllood wei ym em wa ye u tuklar yeini.
